本港樓價持續高企，不少港人深受居住問題困擾；雖然能住公屋已是幸運，但如果家庭失和、不欲「困獸鬥」，搬出也絕非易事。一名與28歲女兒同住公屋的媽媽，因女兒一直「攤大手板」兼亂發脾氣、曾做「家賊」，而被激到入醫院；女兒近日更變本加厲，令她心淡不欲再忍，希望搬走離開女兒。對此，其新抱對於奶奶的遭遇感到心痛，遂詢問一眾網民：「想請教大家仲有咩方法可以幫到我奶奶？」
「我奶奶同我姑仔，有好多問題。」一名女網民日前在網上討論區「連登」，以「求教 公屋分戶 家庭問題」為題發帖，指奶奶育有2子1女，兩名兒子已結婚遷出，家中只剩下兩母女。她指出，其姑仔今年28歲，一直沒有固定工作，「一路以來無畀過錢屋企，淨係會問媽咪拎錢」；至於奶奶則年近60歲，「辛苦命勞碌奔波」，現時幫細公司煮飯清潔，自給自足。
她形容姑仔「成日癲癲得得」，為了瑣事便狂鬧奶奶；奶奶則不欲跟姑仔吵架，「一係就唔出聲，一係有時話得太過份就叫佢唔好咁」。約2年前一次，姑仔更直接激到奶奶入醫院，
「但媽咪覺得始終都係自己個女，打算忍下就算。中間都好多大小事爭執，有次媽咪發現自己啲金飾唔見咗，咁屋企得2個人，問阿妹放喺邊，又開始發癲發晒脾氣，後尾唔知點，有日拎返啲金出嚟。」
惟最近其姑仔變本加厲，突然用鎚仔劈爛奶奶房門的鎖；加上最近有親戚離世，本來已經心情不佳的奶奶「即刻有事」。近兩個月來，奶奶都要食藥，
「成日心跳手震，甲狀腺亢奮，瘦咗好多。重點係，阿妹知自己媽咪身體唔好，知食咗好多藥，都完全無改變。媽咪已經心淡，佢想搬出嚟住。」
事主續指，由於自己及丈夫兄弟的家不大，奶奶因而無法長住。對於奶奶的遭遇，雖然她並非親生女，但仍覺心痛，
「我幫佢睇公屋分戶，見到話如果嗰個人（姑仔）唔肯，房署都係畀社署介入，都無咩大作用。想請教大家仲有咩方法可以幫到我奶奶？」
此事引來網民熱議，不少人著事主帶姑仔看精神科醫生，更建議道：「戶主攞租約去屋村房處管理處，同佢講除名，加簽個名就得， 唔肯走叫房處趕佢（事主姑仔）走。」、「個阿媽搞唔到當然搵兩個仔救，叫佢哋幫手趕走阿妹出門口。」、「老實講，呢啲時候只可以狠心啲先解決到，成日顧住呢樣個樣，最後互相慢性傷害，到時仲衰。」
房署分戶小資料
根據房屋署的公屋「分戶政策」，租戶如家庭成員之間存在嚴重且根深柢固的不和，或具其他合理而值得體恤的理由，房委會會按其特殊情況作出考慮，並在有需要時轉介予相關政府部門／機構進行評估及推薦。
如提出分戶要求，除有合理而值得體恤的理由外，住戶須符合下列條件：
- 原住戶及分拆戶均須分別接受入息及資產限額定於公共租住房屋申請水平的「全面經濟狀況審查」；及
- 原住戶及分拆戶均須符合「住宅物業權審查」的規定。
每朝索取《晴報》：精明生活．健康家庭．開心娛樂
責任編輯：李凱晴
August 04, 2020 at 01:01PM
https://ift.tt/30oxMFF
【居住問題】28歲暴躁女兒攤大手板做家賊媽媽激心入院心跳手震長期食藥欲公屋分戶搬走- 晴報- 家庭- 熱話 - 晴報 Sky Post
https://ift.tt/3hIxsbe
Bagikan Berita Ini
0 Response to "【居住問題】28歲暴躁女兒攤大手板做家賊媽媽激心入院心跳手震長期食藥欲公屋分戶搬走- 晴報- 家庭- 熱話 - 晴報 Sky Post"
Post a Comment