本港樓價長期高踞不下，令不少市民「上車」無望，年輕人更是難以成家立室。一名月入4萬元的港男在網上吐苦水，指被家人要求他以86萬元，將現時一家六口所住的30年樓齡公屋買下。由於結婚後不想跟兩老同住，加上想住私樓或居屋，他因而感到掙扎：「我考慮緊第時結婚嘅問題，我有冇錢再住第度，我住公屋咁我屋企人住邊？」
該名港男昨日（9日）在網上討論區「連登」，以「屋企叫我買而家住緊嘅公屋，諗得過？」為題發帖，指父母已經退休，一家六口在現時所住公屋已住了差不多30年，而公屋樓齡亦是30年，月租1,500元，
「呢排屋企同我講，叫我買咗佢，問咗房署（要）84萬，月供$5,000，話之後房署會改政策買唔返......屋企話到時賣返出去都有賺......」
他指出，自己月入4萬「都算係中產」，但無奈「仲係買唔到私樓，居屋又冇資格抽」。雖然如此，但他其實並不想買公屋，且婚後亦不欲與父母同住，
「但我個人唔係幾鍾意而家住緊嗰度，心低 (底) 裡當然想住居屋/私樓......大家會點決定？……我考慮緊第時結婚嘅問題，我有冇錢再住第度，我住公屋咁我屋企人住邊？」
此事引來網民熱議，除了不少網民指「4萬應該唔算中產」外，亦有人認為樓主應把握機會先「上車」，「即買即賺幾百萬，應該一早買」、「買咗先然後再賣返出去畀人接貨」。
不過，絕大多數網民均認為他不應購買，「層樓邊個名」、「如果樓主同屋企人住緊嗰個單位，我唔建議買，因為你買完都係同屋企人一齊住，無得同未來老婆二人世界」、「買完佢都要搵地方安置兩老，我睇唔到買完有咩著數」、「屋企人只得一間公屋，畀你購買咗，是否叫佢哋搬走？」
每朝索取《晴報》：精明生活．健康家庭．開心娛樂
責任編輯：李凱晴
July 10, 2020 at 04:10PM
https://ift.tt/2O9CD6v
【居住問題】一家六口住30年樓齡公屋被父母要求以$84萬買下港男掙扎：婚後唔想同兩老住- 晴報- 家庭- 熱話 - 晴報 Sky Post
https://ift.tt/3hIxsbe
Bagikan Berita Ini
0 Response to "【居住問題】一家六口住30年樓齡公屋被父母要求以$84萬買下港男掙扎：婚後唔想同兩老住- 晴報- 家庭- 熱話 - 晴報 Sky Post"
Post a Comment