本港樓價高企令市民難以「上車」，而家人之間亦往往因居住問題而產生矛盾。一名港男在網上發帖，指父親日前在飯桌上明言將物業留給他娶老婆，頓時令姐姐感到難過；而他更偷聽到姐姐打電話與友人訴苦時，表示「家陣做女就唔可以有份咩」。由於與姐姐向來感情甚佳，因此他只好向網民求助：「應該點做安撫返家姐？」
「本身我地一家人感情都幾好，估唔到因為層樓變成咁。」該名港男昨日（27日）在網上討論區「連登」以「我係細佬...我屋企人今日講到明層樓留比（畀）我娶老婆，唔比（畀）我家姐，依加（而家）氣氛好尷尬」為題，表示自己現年23歲，已投身社會幾年，目前在餐廳工作。
家姐誕B後與老公搬回公屋娘家，弟弟呻被鵲巢鳩佔憂被迫走：「好似我欠咗佢哋成家」，詳情即睇：【下一頁】
他表示，自己與姐姐感情不錯，惟日前一家人吃飯時，卻發生一件損害家人感情的事，
「前幾日食食吓飯，講起幾時再買樓咁。點知我老竇話，層樓遲啲留畀我，過幾年兩老番英國住，反正我家姐結咗婚之後都唔會喺屋企住。」
事後，姐姐「把口雖然無嘢」，但他卻知道對方內心並不好受，「但我知佢個心悒X到X街，偷聽到佢同朋友傾電話講家陣做女就唔可以有份咩，佢就要同老公一齊供樓。」最後，他表示明白父親言論並非對姐姐存有惡意，
「其實我屋企人都係知我低學歷又廢驚娶唔到老婆先話留比我......唉……估唔到我哋一家人搞成咁......應該點做安撫返家姐？」
開Zoom同學家底見高下，公屋仔家嘈屋細感自卑︰被環境搞到冇心機讀書，詳情即睇：【下一頁】
此事引來網民熱議，不少人建議：「幫你家姐姐夫供少少，認真，識兩兄妹都係咁做，不過係棟樓留畀個妹，個妹幫阿哥供。」、「最好就你父母去英國前賣咗層樓畀你哋做首期，一人一半又好，或者你2/3，你家姐1/3，咁就公平啲。家姐條氣會順啲。」
另有網民表示：「我諗重點係你自己覺得係唔係要分先。如果你覺得你家姐都值得一半，咁咪開門見山同佢講，賣咗層樓，你拎一半去買個細單位，一半畀家姐做首期囉。重點係要主動同佢講，唔係等佢發晒脾氣先講。」
兄長婚後大嫂遷入兼生B，港男慘做廳長瀕臨被趕走，欲搬離減家用反被父親責罵，詳情即睇：【下一頁】
每朝索取《晴報》：精明生活．健康家庭．開心娛樂
撰文︰李凱晴
August 28, 2020 at 01:50PM
https://ift.tt/3gGkTLP
【居住問題】父親講明層樓留給弟弟娶老婆家姐感心悒「做女冇份咩」 弟弟網上求助：應該點安撫家姐？ - 晴報- 家庭- 熱話 - 晴報 Sky Post
https://ift.tt/3hIxsbe
Bagikan Berita Ini
0 Response to "【居住問題】父親講明層樓留給弟弟娶老婆家姐感心悒「做女冇份咩」 弟弟網上求助：應該點安撫家姐？ - 晴報- 家庭- 熱話 - 晴報 Sky Post"
Post a Comment