本港樓價持續高企，部分市民難以買樓「上車」，不少家庭更為居住問題而產生磨擦。一名港男日前在網上吐苦水，指女友父母瞞著女兒，將名下物業作「逆按揭」。他對於此感到憤怒，斥責兩老「為咗錢唔顧親情」；為了逼使兩老「迷途知返」，他甚至向女友獻計，著對方不要理睬父母，因而引來網民一片罵聲。
該名港男周二（13日）在網上討論區「香港討論區」，以「女友老竇老母為咗錢唔顧親情走去做逆按揭」為題發帖，指女友父母「為咗晚年貪圖逸樂」，沒有與女兒商量，便「先斬後奏」將名下物業作「逆按揭」。
兩母女住300多呎公屋，28歲港女在家工作呻媽媽煩厭：「每日激到做唔到嘢想分戶」，詳情即睇：【下一頁】
他又指女友為家中獨生女，更以25字解釋自己憤怒的原因：
「兩條老鬼香咗之後正常間樓係會歸佢（女友），而家佢咩希望都冇晒。」
為了扭轉局面，他遂向女友獻計，著對方不要理睬父母，以逼使兩老「反省」，
「叫佢呢段時間唔好再理2件老鬼，唔探佢哋唔再同佢哋飲茶食飯，等佢哋好好反省吓錢緊要啲定親情重要啲，睇吓佢哋識唔識得迷途知返。」
父親講明層樓留給弟弟娶老婆，家姐感心悒「做女冇份咩」，弟弟網上求助：「應該點安撫家姐？」，詳情即睇：【下一頁】
帖文一出隨即引來罵聲一片，不少網民怒斥事主才是應要迷途知返的人，「業主做逆按揭，有甚麼問題？」、「樓又唔係你嘅，人哋想點關你咩事」、「樓主似乎係貪圖女友父母層樓喎，唔係做乜咁緊張」、「好彩兩老做咗逆按揭，唔係畀呢啲樓主呃咗層樓就慘，都未結婚就想要人哋老人家層樓，人渣敗類」、「未做人女婿，就已經吼住人哋間屋，你好人極都有限」、「錢緊要定親情緊要，樓主已經有答案」。
逆按揭小資料
由香港按揭證券有限公司的全資附屬機構香港按證保險有限公司（按證保險公司）營運的「安老按揭計劃」，旨在讓55歲或以上人士，利用他們在香港的住宅物業作為抵押品，獲得安老按揭貸款，可在固定或終身的年金年期內，每月收取定額年金，又或提取一筆過貸款以應付特別情況。
除非安老按揭貸款在特定情況下被終止，否則在一般情況下借款人可終身毋須還款。 當安老按揭貸款終止時，物業業主（或其遺產代理人）可優先全數清還安老按揭貸款，以贖回抵押物業，否則貸款機構將出售抵押物業以清還相關貸款。
每朝索取《晴報》：精明生活．健康家庭．開心娛樂
責任編輯：李凱晴
October 17, 2020 at 08:03AM
https://ift.tt/2HcRGwh
【居住問題】女友父母逆按單位養老港男斥兩老不顧親情向女友獻計「睇吓佢哋識唔識迷途知返」 - 晴報- 家庭- 熱話 - 晴報 Sky Post
https://ift.tt/3hIxsbe
Bagikan Berita Ini
0 Response to "【居住問題】女友父母逆按單位養老港男斥兩老不顧親情向女友獻計「睇吓佢哋識唔識迷途知返」 - 晴報- 家庭- 熱話 - 晴報 Sky Post"
Post a Comment